10 Փետրուարին, Կիւմրիի «Շիրվանեան» կեդրոնին մէջ տեղի ունեցաւ Հ.Մ.Ը.Մ-Հ.Ա.Ս.Կ.ի Կիւմրիի «Վահան Չերազ» մասնաճիւղին բանավէճ-քննարկումը՝ «Ազգային արժէքները յառաջադիմակա՞ն թէ յետադիմական են» նիւթով։

Բանավէճը նպաստեց սկաուտներու ինքնադրսեւորման զարգացման, հակառակ կարծիքը լսելու եւ ընդունելու ունակութեան, բանավիճելու հմտութիւններու զարգացման, ինչպէս նաեւ՝ ազգային արժէքներու կարեւորման։