ԱՐՏԱԿ ՄԱՐՏԻՐՈՍԵԱՆ
-
Արցախեան երկրորդ պատերազմի նահատակ եղբ. Արտակ Մարտիրոսեան ծնած է 2001-ին, Կոտայքի մարզի Հրազդան քաղաքը։ Կանուխէն ան զբաղած է մարմնակրթութեամբ։ Անդամակցած է «Պատանի երկրապահ» ակումբին եւ Հ.Մ.Ը.Մ.-Հ.Ա.Ս.Կ.ի Հրազդանի մասնաճիւղին։
Երկրորդական կրթութիւնը գերազանց յաջողութեամբ աւարտելէ ետք, եղբ. Արտակ միանգամայն կը հետեւի տնտեսագիտութեան համալսարանի երկրորդ տարուան դասընթացքին։ Յունուար 2020-ին, ան կը ծառայէ Մարտունիի երրորդ զօրամասին մէջ, իբրեւ դասակի հրամանատարի տեղակալ։
Կրտսեր տասնապետ, հրետանաւոր եղբ. Արտակ Մարտիրոսեան Արցախեան պատերազմի բռնկումի առաջին օրէն կը գտնուի առաջնագիծի վրայ։ Ամբողջ ամիս մը քաջաբար կը կռուի թշնամիին դէմ եւ հերոսաբար կը նահատակուի 27 Հոկտեմբեր 2020-ին։
Յետ նահատակութեան, ան կ’արժանանայ «Մարտական ծառայութիւն» մետալի։
ԱՐՏԱԿ ՄԱՐՏԻՐՈՍԵԱՆ